Udhëhiqem nga Jupiteri, me Diellin në Shigjetar — një shpirt aventurier, i gjallë dhe gjithmonë i etur për dije, filozofi dhe horizonte të reja.
Hëna ime në Dem më jep stabilitet, ndjeshmëri dhe nevojë për siguri, komfort dhe bukuri në detajet e përditshme.

Jam nënë e përkushtuar, dashuruese e estetikës dhe e paqes në shtëpi. Shpesh jam ndier e huaj — në vende të reja, në grupe apo edhe në vendin tim — por me kohën mësova ta përqafoj këtë ndjesi. Ajo më mësoi të vlerësoj individualitetin, pavarësinë dhe autenticitetin.

Ascendenti im është në Ujor, dhe aktualisht Pluto po kalon në këtë shenjë — një tranzit që shënon fillimin e një epoke të re në jetën time.

Afërdita ime në Bricjap më bën serioze në dashuri dhe në punë — e përkushtuar, besnike dhe e ndjeshme ndaj lidhjeve me kuptim.
Merkuri, Marsi dhe MC-ja në Akrep më japin thellësi mendimi, intuitë të mprehtë dhe dëshirë për të depërtuar në thelb të çdo gjëje.